Kalakin, Labiedźka, Janukievič bałatujucca ŭ Minski harsaviet
Staršynia Abjadnanaj hramadzianskaj partyi Anatol Labiedźka i staršynia partyi BNF Alaksiej Janukievič padali dakumienty na rehistracyju svaich inicyjatyŭnych hrupaŭ. Abodva źbirajucca bałatavacca ŭ Minski haradski saviet i buduć źbirać podpisy vybarcaŭ.
Za mandat staličnaha deputata budzie zmahacca i lidar partyi «Spraviadlivy śviet» Siarhiej Kalakin. Ale jon maje vyłučacca nie praz zbor podpisaŭ, a ad partyi, što dazvalajecca zakanadaŭstvam.
Anatol Labiedźka skazaŭ, što jaho inicyjatyŭnaja hrupa budzie napačatku źbirać podpisy adrazu pa niekalkich akruhach, što nie supiarečyć Vybarčamu kodeksu:
«Adna ź ich uklučaje rajon Kamaroŭskaha rynku. Ja hetaje rašeńnie pryniaŭ paśla taho hvałtu, jaki ŭčynili nada mnoju 12 studzienia. U mianie budzie hrupa i ŭ Centralnym rajonie, i ŭ Savieckim. My ŭžo padali dakumienty na rehistracyju majoj inicyjatyŭnaj hrupy, ale adkazu pakul niama».
Alaksiej Janukievič skazaŭ, što budzie bałatavacca ŭ Čyžoŭcy, dzie žyvie. Siarhiej Kalakin vybraŭ dla siabie Saviecki rajon, dzie šmat hadoŭ pracavaŭ.
Miascovyja vybary pryznačanyja na 23 sakavika.