Praz ščylny dym u Piekinie nie vidać chmaračosy, aŭtastrady pierakrytyja
Praz smoh u Piekinie ranicaj 16 studzienia pierakryli aŭtamabilnyja darohi.
Jak paviedamlaje Lenta.ru sa spasyłkaj na kitajskaje infarmahienctva «Sińchua», pierakrytyja aŭtastrady ŭ kirunku Šanchaja, Charbina i Pinhu, a taksama trasa Dacyn-Huančžou.
Smoh pačaŭ źbiracca ŭ horadzie ŭ sieradu, 15 studzienia, za noč jaho ščylnaść praciahvała raści. Na vulicach nie vidać chmaračosy.
Jak paviedamili ŭ piekinskim departamiencie pa achovie navakolnaha asiarodździa, čakajecca, što dniom 16 studzienia bačnaść u horadzie budzie nižejšaja za piaćsot mietraŭ. Uzrovień zabrudžvańnia dasiahnuŭ «žoŭtaj» adznaki, heta značyć, druhoj z čatyroch pa kitajskaj škale.
Vysoki ŭzrovień zabrudžanaści pavietra — pastajannaja prablema dla Piekina.
Kab źnizić abjom vychłapaŭ, haradskija ŭłady ŭviali abmiežavańni na vykarystańnie aŭtamabilaŭ u budnija dni. Akramia taho, jany sprabujuć spyniać pracu raźmieščanych pablizu zavodaŭ. Choć ličycca, što asnoŭnaja pryčyna zabrudžvańnia — aŭtamabilnyja i pramysłovyja vychłapy, u kancy 2013 hoda ŭłady kitajskaj stalicy taksama rasparadzilisia začynić sotni vuličnych šašłyčnych.