Źbity ŭ Maskvie inśpiektar DPS zabiaśpiečvaŭ śpiecprajezd Łukašenki
Daišnik, jaki trapiŭ pad koły aŭto svajho kalehi, pamior u balnicy.
Supracoŭnik DIBDR, jaki pamior u balnicy paśla najezdu na Kijeŭskaj šašy, arhanizoŭvaŭ śpiecprajezd kartežu kiraŭnika Biełarusi Alaksandra Łukašenki. Kapitan palicyi, prytrymlivajučysia instrukcyi i ŭkazańniaŭ kiraŭnictva, zabiaśpiečvaŭ biaśpiečny prajezd uradavych śpiecaŭtamabilaŭ.
Biełaruskaja delehacyja prybyła ŭ rasijskuju stalicu ŭ sieradu, 25 śniežnia. Dla bieśpieraškodnaha ruchu kartežu Alaksandra Łukašenki z aeraporta Unukava ŭ centr Maskvy na trasie byli vystaŭlenyja pasty DPS.
30-hadovy Andrej Bielakoŭ razam z naparnikam dziažuryŭ na 33-m kiłamietry Kijeŭskaj šašy, na terytoryi Novaj Maskvy.
U momant, kali inśpiektar prypyniŭ patok transpartu dla prajezdu kartežu, jaho źbiŭ aŭtamabil «Tajota Kamry».
— U ciažkim stanie inśpiektara dastavili ŭ adnu sa staličnych klinik, — paviedamiła LifeNews krynica ŭ pravaachoŭnych orhanach. — Na nastupnuju ranicu paciarpieły ad atrymanych traŭmaŭ pamior.
Kali vina supracoŭnika palicyi, jaki siadzieŭ za rulom, paćvierdzicca, jon budzie zvolnieny z orhanaŭ.