Śviaty Mikałaj pačaŭ razvozić miljard padarunkaŭ, za im možna sačyć anłajn
Śviaty Mikałaj (u zachodniaj tradycyi — Santa-Kłaus) apoŭdni pavodle biełaruskaha času z 60 tysiačami ton padarunkaŭ vylecieŭ Paŭnočnaha Polusa.
Prynosić padarunki i jon pačynaje z dalokaha-dalokaha ŭschodu, pavoli pasoŭvajučysia na Zachad. Jon pralataje nad Japonijaj, Kitajem, Rasijaj, Aŭstralijaj, krainami Afryki, Blizkaha Uschodu.
Nad Biełaruśsiu jon pralataje prykładna ŭ 23:00-00:00, paśla hetaha padarunki možna pakavać dzietkam, kali vy trymajeciesia zachodniaj tradycyi adznačeńnia Kaladaŭ.
Kab pralacieć ad krainy da krainy dla Sv. Mikałaja treba prykładna try chviliny. Zaviaršaje ablot apoŭdni 25 śniežnia (pavodle Minska, kali Rastvo nastupić na Alascy i Havajach).
Pieramiaščeńnie Śviatoha Mikałaja adsočvajuć vajskoŭcy ZŠA. Kaliści pamyłkova telefon vajennaj bazy Pitersan byŭ nadrukavany ŭ presie, i ŭsiu noč na 25 śniežnia na bazu telefanavali dzieci, cikaviačysia šlacham Śviatoha Mikałaja.
Vajskoŭcam pryjšłosia ciarpliva paviedamlać dzieciam šlach Sv. Mikałaja, a z taho času adsočvańnie šlachu vajskoŭcami (a ciapier — NASA) stała tradycyjaj, pryhoža aformlenaj u Internecie. Šlach taksama ilustrujecca videarolikami palotu nad roznymi krainami.
Sačyć za palotam Śviatoha Mikałaja pačynajučy z 12:00 anłajn možna tut.
Taksama pa hetaj spasyłcy — tradycyjnyja kaladnyja pieśni.
Śviaty Mikałaj hod tamu nad Blizkim Uschodam