Cuadnosiny milicyi da nasielnictva ŭ Biełarusi ŭ 6 razoŭ pieravysili ŭzrovień SSSR
Na 100 tysiač nasielnictva ŭ Biełarusi prypadaje 1442 supracoŭniki Ministerstva ŭnutranych spraŭ. Naša kraina stała lidaram pa suadnosinach liku milicyjantaŭ da astatniaha nasielnictva.
Pra heta havorycca ŭ tłumačalnych zapiskach da dvuch zakonaprajektaŭ, zarehistravanych u Viarchoŭnaj Radzie Ukrainy, piša kommersant.ua.
Pry hetym siaredniesuśvietny pakazčyk składaje 300 palicyjantaŭ na 100 tysiač čałaviek. AAN rekamienduje ličbu ŭ 222 palicyjanty, a ŭ SSSR było 214 milicyjanty na 100 tysiač nasielnictva.
U tłumačalnaj zapiscy pryvodziacca ličby pa inšych krainach śvietu. Tak, u Italii na 100 tysiač nasielnictva prypadaje 552 palicyjanty, u Bałharyi — 442, u Čechii — 405, Francyi — 369, Polščy — 264, u ZŠA — 233. Paśla Biełarusi najbolšyja suadnosiny supracoŭnikaŭ MUS da nasielnictva zafiksavanyja ŭ Rasii — 976 čałaviek. Najmienšy jeŭrapiejski pakazčyk adznačany ŭ Šviecyi — 195-200 na 100 tysiač nasielnictva.
Va Ukrainie ciapier 780 supracoŭnikaŭ na 100 tysiač nasielnictva. Hetuju ličbu prapanujecca skaracić da 463 milicyjantaŭ na 100 tysiač nasielnictva.