Łukašenka lacić u Sočy ź inśpiekcyjaj
16 śniežnia adbyłasia telefonnaja razmova Alaksandra Łukašenki z Uładzimiram Pucinym.
Prezident Rasii zaprasiŭ biełaruskaha kalehu ahledzieć alimpijskija abjekty ŭ Sočy, a taksama acanić hatoŭnaść da praviadzieńnia zimovaj Alimpijady.
Jak paviedamlaje pres-słužba kiraŭnika Biełarusi, Łukašenka «płanuje ŭ bližejšyja dni aznajomicca ź infrastrukturaj Alimpijskich hulniaŭ u Sočy, a taksama prainśpiektavać hatoŭnaść biełaruskich abjektaŭ da hetaj najvažniejšaj mižnarodnaj spartyŭnaj padziei».
Akramia taho, kiraŭniki dziaržaŭ «napiaredadni zapłanavanych 24-25 śniežnia ŭ Maskvie pasiadžeńniaŭ Vyšejšaha Jeŭrazijskaha ekanamičnaha savieta i Vyšejšaha dziaržaŭnaha savieta Sajuznaj dziaržavy abmierkavali paradak dnia zapłanavanych mierapryjemstvaŭ, a taksama pradmietna spynilisia na tych pytańniach, pa jakich na samitach buduć prymacca rašeńni», paviedamlaje pres-słužba.
U chodzie razmovy byli zakranuty i aktualnyja temy dvuchbakovych adnosin, havorycca ŭ paviedamleńni.