Kala muzieja Bahdanoviča ŭ Trajeckim čytali vieršy pratestu
Supracoŭniki ŭ cyvilnym, kažuć, što dla hetaha patrebien dazvoł.
Lavon Barščeŭski čytaje vieršy Bahdanoviča.
Niekalki dziasiatkaŭ čałaviek sabrałasia ŭ paniadziełak kala muzieja Maksima Bahdanoviča ŭ Trajeckim pradmieści ŭ Minsku, kab čytać vieršy. Takim čynam ludzi pratestujuć suprać pieratvareńnia muzieja biełaruskaha kłasika ŭ filijał.
Siarod prysutnych — Uładzimir Arłoŭ, Lavon Barščeŭski, Aleś Maračkin.
Pobač dziažurać amatary paezii ŭ cyvilnym.
Piśmieńnik Uładzimir Arłoŭ adkazvaje na pytańni žurnalistaŭ. Dvoje supracoŭnikaŭ u cyvilnym zakicavilisia hutarkaj, raspytvajuć Arłova, što tut adbyvajecca, jakaja nahoda dla sustrečy.
Kala muzieja paboleła ludziej, ciapier tut kala čatyroch dziasiatkaŭ čałaviek.
Supracoŭniki ŭ cyvilnym paklikali na hutarku Uładzimira Arłova. Jamu patłumačyli, što dla padobnaj akcyi patrebien aficyjny dazvoł uładaŭ.
Lavon Barščeŭski pieršym pačaŭ čytać vieršy. Spačatku pradekłamavaŭ «Pahoniu» na ŭkrainskaj movie, zatym pa-polsku. Zatym usie razam pračytali znakamity vierš na rodnaj movie:
Uśled za Barščeŭskim čytajuć vieršy inšyja prysutnyja.
Paśla 19-j ludzi razyšlisia, zatrymańniaŭ nie było.
Piśmieńnik Uładzimir Urłoŭ adznačyŭ, što meta siońniašniaj akcyi – vykazać niazhodu z rašeńniem Ministerstva kultury adnosna źmieny statusa muzieja:
«My ličam, što naš hienij Maksim Bahdanovič varty nie filijała, nie zały dzie-niebudź, a samastojnaha muzieja. Jak vartyja hetaha Janka Kupała i Jakub Kołas».