Rada BNR padtrymała abaroncaŭ Majdanu — ukrainskich i biełaruskich
Rada BNR vykazała «zachapleńnie mužnymi abaroncami Majdanu, usimi, chto vyjšaŭ adstojvać svajo prava na hodnaje žyćcio. Rada BNR vykazvaje salidarnaść z hramadzianami Biełarusi, jakija pryjechali ŭ Kijeŭ, kab prademanstravać padtrymku ŭkrainskamu narodu».
«Siońnia vidavočna, što miljony ludziej na vulicach haradoŭ Ukrainy – heta nia tolki pradstaŭniki peŭnych palityčnych siłaŭ, heta – sam ukrainski narod, u jahonym śviatym pamknieńni da svabody, da spraviadlivaści i da prava samomu vyrašać svoj los, — havorycca ŭ zajavie. — U 2004 hodzie Rada BNR vykazała svaju padtrymku tym, chto abaraniaŭ na Majdanie svajo prava demakratyčna abirać uładu; siońnia my padtrymlivajem tych, chto zrabiŭ eŭrapiejski vybar.
Rada BNR vitaje rašeńni deputataŭ Eŭraparlamentu pra bolš chutkaje padpisańnie asacyjacyi z Ukrainaj, a taksama prapanovy eŭradeputataŭ da mižnarodnych finansavych arhanizacyjaŭ ekanamična spryjać Ukrainie. Rada BNR asudžaje vykarystańnie Maskvoj metadaŭ palityčnaha i ekanamičnaha cisku na Kijeŭ».
Rada BNR nazvała «niedapuščalnym ŭžyvańnie ŭkrainskimi ŭładami siły suprać udzielnikaŭ masavych narodnych akciaŭ u Kijevie i ŭ inšych ukrainskich haradach. Prymianieńnie takich metadaŭ pahražaje skinuć Ukrainu z cyvilizavanaha šlachu raźvićcia».
«My vierym, što narod Ukrainy, narod słaŭnaj historyi i bahataj kultury, abaronić svajo prava być u šerahu eŭrapejskich cyvilizavanych narodaŭ. My vierym, što zojmie svajo miesca ŭ hetym šerahu i Biełaruś. Słava Ukrainie! Žyvie Biełaruś!» – havorycca ŭ zajavie Rady Biełaruskaj Narodnaj Respubliki.