Michałok na Majdanie: Vy dali adpor palityčnamu biespradziełu, vy — supierhieroi!
fota Radyjo Svaboda
Biełaruski hurt «Lapis Trubiacki» vystupiŭ u subotu na Majdanie Niezaležnaści ŭ Kijevie. Siońnia mieŭsia adbycca hastrolny kancert «Lapisaŭ» ŭ kijeŭskaj Stereoplaza, ale hurt zavitaŭ na Majdan, dzie vykanaŭ niekalki pieśniaŭ.
Siarhiej Michałok źviarnuŭsia da prysutnych (pavodle ŭkrainskich ŚMI, na Majdanie viečaram suboty sabralisia kala 15 tys. čałaviek):
«My tut, kab pieradać vialikaje vitańnie ź Biełarusi. My, biełarusy, hladzim na vas z pavahaj i zachapleńniem.
Bo svaim prykładam vy pakazali, što z dapamohaj mužnaści, hieraizmu i salidarnaści i narodnaha adzinstva možna nie tolki zmahacca za svaje hramadzianskija pravy i svabody, ale i realna dać adpor palityčnamu, dziaržaŭnamu i palicejskamu biespradziełu. Vy — supierhieroi! Ura!»
«Lapisy» vykanali niekalki pieśniaŭ, u tym liku «Nie być skotam!».
Padčas vystupu dvoje maładych ludziej uźniali bieł-čyrvona-bieły ściah na samym vysokim budynku kala Majdana.