Aŭtsajdar Zachodniaj kanfierencyi prajhraŭ aŭtsajdaru Uschodu
U čarhovym matčy čempijanatu Kantynientalnaj chakiejnaj lihi 4 śniežnia minskaje «Dynama», jakoje zajmaje apošniaje miesca ŭ Zachodniaj kanfierencyi, prajhrała na vyjeździe aŭtsajdaru Uschodniaj kanfierencyi novakuźnieckamu «Mietałurhu» ź likam 2:3 (0:2, 1:1, 1:0).
Paśla 33 matčaŭ «Dynama» z 33 punktami zajmaje apošniaje, 7-je, miesca ŭ dyvizijonie Babrova, apošniaje, 14-je, — u Zachodniaj kanfierencyi i 25-je — u ahulnaj tablicy (9 pieramoh u asnoŭny čas, 1 pieramoha pa bulitach, 2 parazy pa bulitach, 2 parazy ŭ aviertajmie, 19 — u asnoŭny čas, roźnica šajbaŭ 65-100). «Dynama» stała pieršaj kamandaj Zachodniaj kanfierencyi, jakaja prapuściła 100 šajbaŭ.
Nastupnyja dva matčy «Dynama» taksama praviadzie na vyjeździe: 6 śniežnia — z chabaraŭskim «Amuram», 8-ha — z uładzivastockim «Admirałam». U 15 haściavych sustrečach minski kłub źviedaŭ 15 parazaŭ, nabraŭšy 1 bał (roźnica šajbaŭ 16-54).