Azaraŭ: Zhoda Rasii na pierahlad hazavaha kantraktu, faktyčna, jość
Rasija pahadziłasia pierahledzieć hazavy kantrakt z Ukrainaj. Pra heta zajaviŭ u intervju telekanału ICTV premjer-ministr Ukrainy Mikałaj Azaraŭ.
Pa słovach čynoŭnika, abiacańnie pierahledzieć kantrakt «pa vialikim rachunku ŭžo jość», i ŭłady krainy «spadziajucca realizavać heta ŭ chodzie pieramovaŭ».
Vystupajučy ŭ efiry rasijskaha Pieršaha kanała, Azaraŭ padkreśliŭ, što finansavaja dapamoha, prapanavanaja Ukrainie ŭ chodzie pieramovaŭ ź Jeŭrasajuzam, apynułasia zanadta nizkaj.
«My atrymali tolki takoje abiacańnie vusnaje, što na praciahu 7 hadoŭ Ukraina moža raźličvać na adzin miljard jeŭra. Nu, što takoje adzin miljard jeŭra? Heta ničoha. Heta, tak by mović, kapiejčyna biedniaku kala carkvy», — zajaviŭ premjer-ministr.
Taksama Azaraŭ skazaŭ, što Rasija nie abiacała 20 młrd dalaraŭ za admovu za jeŭraintehracyi.