22-hadovy karol šachmataŭ: im staŭ narviežac Mahnus Karłsen
aftenposten.no
Mahnus Karłsen šmat robić dla papularyzacyi šachmataŭ, rekłamujučy modnaje adzieńnie.
U žniŭni 2014 h. projduć vybary prezidenta Suśvietnaj šachmatnaj fiederacyi, Kasparaŭ pasprabuje zabrać "tytuł" u Kirsana Ilumžynava, jaki kiruje FIDE ad 1995 h. Hołas Karłsena budzie vielmi darečy.
Narviežac Mahnus Karłsen daterminova staŭ čempijonam śvietu pa šachmatach.
Jon zhulaŭ uničyju 10-ju partyju matču za zvańnie čempijona śvietu (miełasia być praviedziena 12 partyj) ź dziejučym čempijonam indyjcam Višy Anandam (z 2007 h.) — lik u matčy staŭ 6,5 na 3,5, i Karłsen staŭ daterminovym čempijonam.
Matč pravodziŭsia ŭ indyjskim Čenai, faktyčna na «rodnym poli» Ananda, jaki letaś abyhraŭ u finale ŭ Maskvie ŭradženca Minska Barysa Hielfanda.
30 listapada narviežcu, jaki maje mianušku «Vikinh», spaŭniajecca 23 hady. Jon staŭ čempijonam u 22 hady i 357 dzion.
Najmaładziejšym čempijonam byŭ tolki Hary Kasparaŭ, jaki vyjhraŭ šachmatnuju karonu ŭ 22 hady i 211 dzion u 1985 h. u Anatola Karpava.
Darečy Kasparaŭ niejki čas, u 2009 h., tajna treniravaŭ Karłsena, a potym byŭ jaho kansultantam.
Mahnus sumiaščaje šachmaty z karjeraj madeli ŭ hałandskaj kampanii pa pašyvie modnaj vopratki G-Star RAW.
Na rekłamie jon zarablaje 1 młn dalaraŭ u hod. Tak što pieramoha nad Anandam niakiepski dadatak da asnoŭnaha zarobku — za šachmatnuju karonu jon atrymaje 600 tys. dalaraŭ