BATE adarvaŭsia ad «Šachciora» ŭžo na vosiem punktaŭ!
abnoŭlena
Siońnia zavieršyŭsia 27-y tur čempijanatu krainy pa futbole. BATE pieramoh u haściach «Homiel» - 1:0 (Paŭłaŭ, 9).
Heta byŭ pieršy matč barysaŭskaha kłuba pad kiraŭnictvam novaha hałoŭnaha treniera — Alaksandra Jermakoviča.
Goals.bu sa spasyłkaj na «Spartyŭnyja naviny» paviedamlaje, što pierad matčam homielskija zaŭziatary pakłali pierad aŭtobusam BATE trunu z žoŭta-sinimi šalikami (kolery BATE) i kavałkam miasa, namiakajučy, što barysaŭskamu kłubu budzie nie prosta.
«Šachcior» prajhraŭ u Hrodnie «Niomanu» ź likam 1:2.
Heta čaćviertaja zapar paraza kłuba, jaki niekali lidziravaŭ u čempijanacie krainy. Kłub na 2-m etapie pieramoh tolki ŭ pieršym tury («Tarpieda-BiełAZ», 1:0), zatym tolki sastupaŭ (BATE, 0:3; «Dynama» Minsk, 0:1; «Homiel», 1:2; «Nioman», 1:2).
«Dynama» Minsk — «Tarpieda-BiełAZ» Žodzina — 0:0.
BATE — 60, Šachcior — 52, Dynama Minsk — 44, Homiel, Nioman — 37, Tarpieda-BiełAZ — 36.
Turnir za 7-12-ja miescy:
Biełšyna — 41, Minsk — 32, Dniapro, Dynama Brest — 30, Naftan — 27, Słavija — 20.
Da kanca čempijanatu zastałosia 5 turaŭ. Nie vyklučana, što los zołata budzie vyrašany 3 listapada ŭ matčy BATE — «Šachcior».