Usie kvitki na ciahniki na «Lapisaŭ» u Vilniu pradadzienyja za 45 dzion da kancertu
Kvitkoŭ niama ni na 29, ni 30 listapada, da jakich jašče paŭtara miesiaca. Heta pry tym, što kvitki na ciahniki na 29 listapada pastupili ŭ prodaž učora (za 45 dzion), na 30 listapada — siońnia ranicaj.
Kancert «Lapisaŭ» adbudziecca 30 listapada ŭ «Simens-Arenie» i pačniecca a 19-j. Tam budzie prezientavany albom «Hraj».
Na ciahniki 29 listapada (piatnica) kvitkoŭ niama zusim, paviedamlaje sajt Biełaruskaj čyhunki, navat na daražejšyja rasijskija.
Zastalisia tolki 17 kvitkoŭ na ciahnik Minsk — Vilnia 30 listapada, jaki prybyvaje ŭ litoŭskuju stalicu ŭ 20:20. Uličvajučy, što patrebna pa pryjeździe ŭ Vilniu prajści pamiežny kantrol, to možna chiba paśpieć da samaha finału kancertu.
Jość adnak kvitki na čaćvier 28 listapada, h.zn. za dva dni da kancertu.
Kvitki na kancert «Lapisaŭ» u Vilni taksama ŭsie pradadzienyja.