Mietro adnaviła pracu
Prykładna ŭ 13:25 minskaje mietro adnaviła pracu. Ruch ciahnikoŭ adnoŭleny.
Tak, Tvitar MNS paviedamlaje: «Ruch adnoŭleny — ciahniki iduć da st. m. «Maskoŭskaja». «Minsktrans» nakiroŭvaje dadatkovy naziemny transpart.
Tvitar MNS paviepdamlaje, što adbyłosia karotkaje zamykańnie elektraščyta, raźmieščanaha ŭ tuneli za niekalki mietraŭ ad samoj stancyi «Uschod». Naziraŭsia dym słaboj kancentracyi.
Nahadajem, što prykładna ŭ 12:50 ruch ciahnikoŭ na pieršaj linii byŭ spynieny.
Pres-słužba Ministerstva pa nadzvyčajnych situacyjach raniej paviedamiła ŭ Tvitary, što kala stancyi mietro «Uschod» adbyłosia zadymleńnie. Rabotniki mietrapalitena evakujavali ludziej sa stancyj «Uschod» i «Maskoŭskaja», ludziej nie puskali na inšyja stancyi.
Raniej paviedamlałasia, što ŭ minskim mietro hetymi dniami pravodziacca vučeńni, jakija buduć doŭžycca da 26 vieraśnia.
Ale ŭ pryjomnaj Minskaha mietrapalitena karespadentu «Našaj Nivy» skazali, što pakul sami nie viedajuć, ci heta byli vučeńni ci nie.