Vučeńni ŭ mietro praciahnucca da 26 vieraśnia?
Pra heta havorać milicyjanty, jakija dahladajuć minakoŭ u pierachodach na stancyi «Kastryčnickaja».
24 vieraśnia u minskim mietro pa-raniejšamu šmat milicyi — jak zvyčajnaj, tak i AMAPa. Na stancyi mietro «Kastryčnickaja» prachodzić uzmocnieny nahlad asabistych rečaŭ. U pryvatnaści, karespandenta Jeŭraradyjo spynili navat ź nievialikim zaplečnikam.
Padčas dahladu milicyjant koratka paviedamiŭ, što vučeńni ŭ mietro praciahnucca da 26 vieraśnia.
Nahadajem, što ŭ paniadziełak, 23 vieraśnia, niezrazumiełaja situacyja ŭ mietro ledźvie nie vyklikała ahulnaharadskuju paniku. Stancyja «Płošča Jakuba Kołasa» była zakrytaja prykładna kala hadziny, jašče na niekalkich dziažuryła mnostva milicyntaŭ, miedyki, AMAP. Pry hetym supracoŭniki MNS i MUS ustrymlivalisia ad kamientaroŭ.
Aficyjnaje paviedamleńnie pra vučeńni ŭ mietrapalitenie źjaviłasia tolki ŭviečary.
Zhodna z sajtam HUUS Minharvykankama, u mietro prachodzili vučeńni pravaachoŭnych orhanaŭ. Padkreślivajecca, što jany adbyvalisia va «ŭmovach, maksimalna nabližanych da realnych».