Advakat Haračka: Jašče nie viedaju, dzie Baŭmhiertnier
Advakat Uładzisłava Baŭmhiertniera Dźmitryj Haračka pakul nie maje infarmacyi pra toje, ci pa-raniejšamu hienieralny dyrektar «Urałkalija» znachodzicca ŭ SIZA KDB.
Alaksandr Łukašenka i Uładzimir Pucin majuć sustrecca padčas praviadzieńnia siesii ADKB u Sočy. Raniej mierkavałasia, što pytańnie pieradačy Uładzisłava Baŭmhiertniera Rasii budzie vyrašana da mahčymaj sustrečy abodvuch prezidentaŭ.
Jašče 18 vieraśnia pres-sakratar Pucina Dźmitryj Piaskoŭ paviedamlaŭ, što Pucin i Łukašenka majuć sustrecca asabista, i padčas razmovy budzie ŭźniataje pytańnie «Ŭrałkalija». Adnak u piatnicu pamočnik rasijskaha prezidenta Juryj Ušakoŭ zajaviŭ, što praces pa vydačy Baŭmhiertniera zaciahvajecca. Tady ž prahučała, što dvuchbakovaj sustrečy biełaruskaha i rasijskaha kiraŭnikoŭ u Sočy nie plenujecca.
Hienieralny dyrektar «Urałkalija» Uładzisłaŭ Baŭmhiertnier z 26 žniŭnia znachodzicca ŭ SIZA KDB pa abvinavačańni ŭ złoŭžyvańni ŭładaj i naniasieńni škody ŭ 100 miljonaŭ dalaraŭ.