Słuchačy zaklikajuć Volskaha viarnucca ŭ N.R.M
a Vy jak ličycie — treba ci nie? vykazvajciesia ŭ kamientach.
Jeŭraradyjo
Internaŭty źviarnulisia da muzyki Lavona Volskaha z zaklikam viarnucca ŭ hurt N.R.M.
Tekst pietycyi vyhladaje nastupnym čynam:
«Volski Lavon Arturavič! Ščyra prosim Vas sabracca z dumkami i viarnucca ŭ skład hurtu N.R.M.! Nie sakret, što N.R.M. samy znany i lubimy biełaruski rok-hurt.
My ŭsie vielmi sumujem pa-sapraŭdnamu varyjantu hurtu i vielmi žadajem, kab hurt adnaviŭsia ź Lavonam Volskim u składzie. Nam ciažka biez hetaha».
«Naša Niva» źviazałasia z muzykam.
Lavon zajaviŭ, što pakul pietycyi nie bačyŭ, tamu kamientavać situacyju nie moža.
Hurt N.R.M («Niezaležnaja Respublika Mroja») byŭ zasnavany ŭdzielnikami hurtu «Mroja» ŭ 1994 h. Adzin z samych viadomych rok-hurtoŭ Biełarusi. Vypuściŭ albomy: «ŁaŁaŁaŁa», «Odzirydzidzina» (1995), «Made in N.R.M» (1997), «Pašpart hramadzianina N.R.M." (1998) «Try čarapachi» (2000) dy inš.
Lavon Volski pakinuŭ hurt u 2011 h., jaki ciapier vystupaje bieź jaho.