Jermakova: Rašeńnie pra denaminacyju jašče nie pryniata
Staršynia praŭleńnia Nacbanka Nadzieja Jermakova siońnia padčas anłajn-kanfierencyi i pramoj telefonnaj linii ŭ BiełTA adznačyła, što rašeńnie ab praviadzieńni denaminacyi ŭ 2014 hodzie jašče nie pryniataje.
Havoračy ab płanach pa praviadzieńni denaminacyi, Nadzieja Jermakova adznačyła: «Pakul nie mahu skazać, čakajecca jana ci nie,
ale ŭžo prychodzim da taho, što denaminacyju [h.zn. adkidańnie nuloŭ — NN] treba rabić. Treba jašče vyznačyć, kali jana budzie».
«Raniej dumali, što inflacyja budzie źnižacca i ŭ nastupnym hodzie nadydzie pieryjad, kali mahli b padyści da denaminacyi.
Ale, na žal, inšyja faktary na valutnym rynku nas pakul strymlivajuć, tamu ja nie mahu abiacać abaviazkovuju denaminacyju ŭ 2014 hodzie, — skazała staršynia praŭleńnia Nacbanka.
— Budziem ličyć, šukać varyjanty. Śpiecyjalisty vyznačajuć, kali nadydzie prydatny pieryjad, kab heta nie paŭpłyvała istotna na pytańni devalvacyi i bolš na inflacyju».