Minabarony Biełarusi šukaje kadry dla kibiervojskaŭ
Va Uzbrojenych siłach Biełarusi iduć aktyŭnyja pošuki kadraŭ dla pracy ŭ śfiery infarmacyjnych technałohij.
Pryjarytet addajecca maładym ludziam nie starejšym za 25 hadoŭ — vypusknikam vajennych kafiedraŭ biełaruskich VNU, jakija vałodajuć navykami prahramavańnia i majuć vopyt praktyčnaj pracy pa aŭdycie biaśpieki infarmacyjnych sistem, nastrojcy sietkavych słužbaŭ i servisaŭ.
Padčas sumoŭjaŭ vyznačajecca ŭzrovień viedaŭ u śfiery sietkavych technałohij, architektury pabudovy łakalnych vyličalnych sietak. Abaviazkovaj umovaj źjaŭlajecca viedańnie zamiežnych movaŭ, najpierš anhlijskaj.
«Niemałavažnaje značeńnie majuć taksama jakaści asoby. U pretendentach ceniacca vysokija analityčnyja i kamunikatyŭnyja zdolnaści, stresaŭstojlivaść, usiedlivaść. Patencyjalnyja rabotadaŭcy prapanoŭvajuć stać častkaj maładoha, vysokaprafiesijnaha i družnaha vajennaha kalektyvu z usimi ŭmovami dla prafiesijnaha rostu (moŭnaja praktyka i pavyšeńnie kvalifikacyi za miažoj)», — skazaŭ surazmoŭca ahienctva.
Zajaŭlena, što apłata śpiecyfičnaj vajennaj pracy budzie vyšejšaj za siaredniuju pa Uzbrojenych siłach.