NATA nie budzie ŭdzielničać u apieracyi ŭ Siryi
Paŭnočnaatłantyčny aljans nie źbirajecca pašyrać svaju rolu ŭ siryjskim kanflikcie, akramia pradastaŭleńnia placoŭki dla dyskusij sajuźnikaŭ i abarony Turcyi, zajaviŭ dyrektar infarmacyjnaha biuro NATA Robiert Pšel.
«NATA źjaŭlajecca vielmi važnym forumam dla kansultacyj pamiž sajuźnikami, a ciapier užo i partnioram. Heta važna. Druhi elemient — heta toje, što my robim u sensie abarony člena NATO, jaki źjaŭlajecca susiedam Siryi, h.zn. Turcyi. Tamu my tam raźmiaścili [supraćrakiety] Petryjot».
Dyrektar infarmacyjnaha biuro padkreśliŭ, što ŭ NATA niama namieraŭ prymać udzieł u vyrašeńni siryjskaha kanfliktu. U paniadziełak anałahičnuju zajavu zrabiŭ hienieralny sakratar aljansu Anders Foh Rasmusen.