U žniŭni ZVR Biełarusi skaracilisia až na $215 młn
Pa vynikach žniŭnia zołatavalutnyja reziervy Respubliki Biełaruś pa standartach MVF skaracilisia na 214,9 młn. dołaraŭ ZŠA i, pavodle papiarednich źviestak, na 1 vieraśnia 2013 hoda skłali 7 młrd. 712 młn. dołaraŭ ZŠA ŭ ekvivalencie.
Jak rastłumačyli ŭ Nacyjanalnym banku, na źnižeńnie abjomu zołatavalutnych reziervaŭ akazała ŭpłyŭ pahašeńnie ŭradam i Nacbankam źniešnich i ŭnutranych abaviazacielstvaŭ u zamiežnaj valucie ŭ poŭnym abjomie.
«Padtrymańniu abjomu zołatavalutnych reziervaŭ u žniŭni hetaha hoda ŭ asnoŭnym sadziejničaŭ rost cany na zołata na mižnarodnym rynku kaštoŭnych mietałaŭ, a taksama raźmiaščeńnie valutnych ablihacyj Ministerstva finansaŭ Respubliki Biełaruś na ŭnutranym rynku krainy», — zaznačyli ŭ Nacbanku.
U nacyjanalnym vyznačeńni abjom zołatavalutnych reziervaŭ skaraciŭsia na 135 młn. dołaraŭ i na 1 vieraśnia skłaŭ 8 młrd. 430,4 młn. dołaraŭ ZŠA ŭ ekvivalencie.
Ad nacyjanalnaj mietodyki vyznačeńnia reziervaŭ mietodyka vyličeńnia MVF adroźnivajecca tym, što pry padliku ZVR uličvajucca tolki manietarnaje zołata i valutnyja reziervy ŭ svabodna kanviersoŭnych valutach zamiežnych dziaržaŭ.