Brytaniec nosić adnu paru škarpetak 25 hadoŭ

Brytaniec Frenk Ternbrydž da hetaha času nosić paru škarpetak, jakija kupiŭ 25 hadoŭ tamu.

55-hadovy Ternbrydž staŭ uładalnikam samaj tryvałaj pary škarpetak u śviecie. Čverć stahodździa tamu na rynku rodnaha horada Hłaster Ternbrydž kupiŭ niejłonavyja škarpetki, jakija nosić da hetaha času. «Ciapier ja našu ich tolki pa vychodnych, i tolki tolki niadaŭna ŭ ich źjaviłasia pieršaja dzirka», — zajaviŭ jon.

Charakterna, što ŭ toj «histaryčny» dla škarpetak dzień, Ternbrydž nabyŭ dźvie pary, ale adna ź ich nie prasłužyła i hoda.

Jašče bolš dziŭna toje, što Ternbrydž pracuje śledapytam, i z pryčyny słužby jamu davodzicca chadzić na vialikija adlehłaści.

Sam Frenk nie viedaje sakretu takoha daŭhalećcia, adznačajučy, što nadziavaje ich i zimoj, i letam. «Maja žonka myje ich kožny tydzień, jany vielmi zručnyja», — kaža Ternbrydž.

Kamientary da artykuła