Vakalist Nazareth prypyniŭ kancertnuju dziejnaść z-za ciažkaj chvaroby
Na aficyjnym sajcie hurta Nazareth paviedamlajecca, što vakalist Den Makafierci nie zmoža bolej vystupać. Na minułym tydni padčas vystupu na fiestyvali ŭ Šviejcaryi, Makafierci zdoleŭ śpieć tolki try pieśni, paśla čaho syšoŭ sa sceny.
U jaho vyjaŭlena chraničnaja abstruktyŭnaja chvaroba lohkich. Pa słovach kalehaŭ pa hurcie jon adrazu paśla kancerta papiaredziŭ ich pra toje, što nie zmoža praciahvać kancertnuju dziejnaść. Zaraz dalejšy los hurtu vyrašajecca.
Hurt Nazareth iranična nazyvajuć — «biełaruskim i ruskim narodnym»: nasamreč, zapatrabavanaść hurtu ŭ byłych krainach SSSR nadzvyčaj vialikaja. Raz na hod Nazareth źjaŭlalisia ŭ Minsku, a asnoŭny hastrolny hrafik palahaŭ pa Rasii.
Raźvitalny kancert u Maskvie