Za paŭhodździe zamiežnyja inviestary ŭkłali ŭ realny siektar ekanomiki $8 młrd
Za I paŭhodździe 2013 hoda ŭ realny siektar ekanomiki (akramia bankaŭ) zamiežnyja inviestary ŭkłali 7,8 młrd. dalaraŭ ZŠA inviestycyj, što na 12,5% bolš, čym za I paŭhodździe 2012 hoda.Pra heta paviedamili ŭ
Asnoŭnymi inviestarami arhanizacyj krainy byli subjekty haspadarańnia Rasii (47,4% usich inviestycyj), Vialikabrytanii (24%), Kipra (6,6%), Niderłandaŭ (4,3%), Aŭstryi (4,1%).
Najbolšyja sumy zamiežnych inviestycyj pastupili ŭ arhanizacyi handlu (39,8% ad usich inviestycyj), transpartu (29,6%), pramysłovaści (18,8%). Vałavoje pastupleńnie pramych zamiežnych inviestycyj skłała 82% ad usich zamiežnych inviestycyj.U paraŭnańni z I paŭhodździem 2012 hoda vałavoje pastupleńnie pramych zamiežnych inviestycyj pavialičyłasia na 17,8%. Asnoŭnaj formaj pryciahnieńnia pramych inviestycyj byli daŭhavyja instrumienty (75,8% ad ahulnaha abjomu pramych inviestycyj). Zapazyčanaść za tavary, raboty, pasłuhi ŭ abjomie vałavoha pastupleńnia pramych zamiežnych inviestycyj za I paŭhodździe 2013 hoda skłała 4,5 młrd. dalaraŭ ZŠA, što na 3,4% mienš, čym za I paŭhodździe 2012 hoda. Najbolšyja sumy vałavych pramych zamiežnych inviestycyj byli nakiravanyja ŭ arhanizacyi handlu (44,3% ad usich pramych inviestycyj), transpartu (35,6%), pramysłovaści (11,9%).
Značnyja abjomy pramych zamiežnych inviestycyj z ulikam zapazyčanaści za tavary, raboty, pasłuhi pastupili ad rezidentaŭ Rasii (51,6% ad ahulnaha abjomu pramych inviestycyj). Ad rezidentaŭ Złučanaha Karaleŭstva pastupiła 27,4% vałavoha abjomu pramych inviestycyj, Kipra — 5,7%, Aŭstryi — 2,7%.
Inšych zamiežnych inviestycyj (nie ad pramoha inviestara) atrymana 1,4 młrd. dalaraŭ ZŠA, ci na 6,8% mienš, čym za I paŭhodździe 2012 hoda. Na ich dolu prapadała 17,9% ad usiaho vałavoha pastupleńnia zamiežnych inviestycyj.
Za I paŭhodździe 2013 hoda najbolšyja sumy zamiežnyja inviestary ŭkłali ŭ arhanizacyi Minska (79,7%). Na arhanizacyi Homielskaj vobłaści prypała 6,4% vałavoha pastupleńnia zamiežnych inviestycyj, Minskaj vobłaści — 5,5%.