Hrodzienskaja tytuniovaja fabryka ŭznačaliła rejtynh padatkapłatnikaŭ rehijona

Hrodzienskaja tytuniovaja fabryka «Nioman» stała najbujniejšym padatkapłatnikam u kansalidavany biudžet vobłaści ŭ pieršym paŭhodździ 2013 hoda.

Piać pradpryjemstvaŭ rehijona zabiaśpiečyli ŭ hetym pieryjadzie amal 38% usiaho abjomu płaciažoŭ u respublikanski i miascovy biudžety. Uśled za «Niomanam» u nieaficyjnym rejtynhu najbujniejšych padatkapłatnikaŭ raźmiaścilisia Hrodzienski likiora-harełačny zavod «Niemanoff», «Hrodnaenierha», «Lidskaje piva» i «Hrodnaabłhaz».

Čatyry z nazvanych hrodzienskich pradpryjemstvaŭ (za vyklučeńniem «Lidskaha piva») zabiaśpiečyli bolš za pałovu pastupleńniaŭ u kaznu horada Hrodna — 53,2%.

Usiaho, jak paviedamlaje pres-słužba Ministerstva pa padatkach i zborach, 30 biudžetaŭtvaralnych pradpryjemstvaŭ vobłaści nakiravali ŭ kansalidavany biudžet 50,1% usich pastupleńniaŭ, abo 2531,3 młrd rubloŭ. U paraŭnańni z adpaviednym pieryjadam minułaha hoda dola pastupleńniaŭ ad biudžetaŭtvaralnych arhanizacyj u farmavańni biudžetu vobłaści pavialičyłasia na 7,9%, suma vypłačanych płaciažoŭ uzrasła na 906,8 młrd rubloŭ, temp rostu ŭ supastaŭnych cenach 155,8% — i heta samy vysoki pakazčyk u respublicy.

Kamientary da artykuła