Sprava Wikileaks: Meninh vinavaty va ŭsim, aproč dapamohi vorahu
Bredli Meninh, jaki staŭ krynicaj masy amierykanskich sakretnych dakumientaŭ, apublikavanych na sajcie Wikileaks, pryznany vajennym sudom vinavatym pa ŭsich punktach, akramia samaha surjoznaha - dapamohi vorahu.
Sudździa, pałkoŭnik Deniz Lind, pryznała šarahoŭca amierykanskaj armii vinavatym pa 20 epizodach, uklučna z špijanažam.
Pakarańnie budzie abvieščana ŭ sieradu. Navat pa druhasnych abvinavačvańniach Meninhu pahražaje da 150 hadoŭ turmy, paviedamlaje AP. Dapamoha vorahu karajecca pažyćciovym źniavoleńniem biez prava daterminovaha vyzvaleńnia.
Meninh pryznaŭ, što jon pieradaŭ Wikileaks sotni tysiač sakretnych dakumientaŭ, u tym liku pierapisku amierykanskich dypłamataŭ, ale nastojvaŭ na tym, što svaimi dziejańniami jon imknuŭsia sadziejničać dyskusii ab zamiežnaj palitycy ŭ amierykanskim hramadstvie.