Nihieryjskich futbalistaŭ pažyćciova dyskvalifikavali za pieramohu ź likam 79:0
Nihieryjskaja futbolnaja fiederacyja (NFF) pažyćciova dyskvalifikavała ŭsich udzielnikaŭ dvuch matčaŭ amatarskaj lihi, jakija skončylisia ź likam 79:0 i 67:0. Kłuby, jakija prymali ŭdzieł u hulni, dyskvalifikavanyja na 10 hadoŭ.
U zajavie NFF adznačajecca, što imiony i fatahrafii futbalistaŭ i sudździaŭ, jakija absłuhoŭvali matčy, buduć apublikavanyja.
Matčy «Płata Junajted Fidžers» — «Akurba» (79:0) i «Polis Mašyn» — «Babajara» (67:0) prajšli ŭ pačatku lipienia. «Płata Junajted Fiders» i «Polis Mašyn» zmahalisia za pieršaje miesca ŭ płej-of čaćviortaha dyvizijona amatarskaj lihi (šosty pa značnaści dyvizijon čempijanatu Nihieryi).
Pierad matčami apošniaha tura pakazčyki hetych kamand byli roŭnymi, tamu pavyšeńnie ŭ kłasie pavinien byŭ atrymać kłub, jaki vyjhraje svoj matč z bolš bujnym likam.
«Płata Junajted Fidiers» u pieršym tajmie zabiŭ siem miačoŭ,
a ŭ druhoj pałovie sustrečy adpraviŭ miač u sietku varot supiernika jašče 72 razy. Futbalisty «Polis Mašyn» vyjhrali ŭ pieršym tajmie ź likam 6:0, a paśla pierapynku zabili 61 hoł.
Kali b vyniki hulniaŭ byli pakinutyja ŭ sile, hetym kłubam staŭ by «Płata Junajted Fiders». Adnak kiraŭnictva lihi apieratyŭna admianiła vyniki abiedźviuch sustreč.
Uładalnik «Babajara» Šuaibu-Hara Achmied Hombie paśla matču z «Fiders» zajaviŭ, što jon rekamiendavaŭ kamandzie nie prymać udziełu ŭ hulni, adnak supracoŭniki kłuba admovilisia vykonvać jaho ŭkazańnie. Paśla matču Hombie zajaviŭ, što raspuskaje kamandu i zapatrabavaŭ ad palicyi rasśledavać abstaviny hulni.