Za 300 jeŭra vioz kantrabandy na adzin miljard rubloŭ
Padčas praviadzieńnia śpiecyjalnaha mytnaha mierapryjemstva ŭ punkcie propusku "Kamienny Łoh" supracoŭnikami mytni byŭ prypynieny ruch hruzavoha aŭtamabila "DAF", jakim kiravaŭ hramadzianin Rasii.Zhodna z pradstaŭlenym dakumientam aŭtaciahnik pieravoziŭ z Kalininhrada ŭ Sankt-Pieciarburh rułony papiery dla druku.
Jak paviedamiła pres-słužba Dziaržaŭnaha mytnaha kamiteta, supracoŭnikami Ašmianskaj mytni było pryniata rašeńnie adpravić transpartny srodak na nadhlad. Padčas jaho było vyjaŭlena, što ŭ hruzavym adsieku aprača zajaŭlenaha tavaru pieramiaščajucca bauły z novym adzieńniem. Adpaviednych dakumientaŭ na niezajaŭleny hruz nie było.
Paśla zakančeńnia pieravozki jaho čakała ŭznaharoda ŭ 300 jeŭra.Kiroŭca rastłumačyŭ, što na stajancy ŭ Litvie jamu prapanavali padzarabić. Usio, što treba było zrabić, — pieravieźci adzieńnie ŭ Sankt-Pieciarburh.
Papiaredni košt niezakonnaha hruzu skłaŭ zvyš miljarda rubloŭ. U dačynieńni da vadziciela mytniaj raspačaty administracyjny praces.Dziciačyja sarafany, spadnicy, błuzki i žanočyja kupalniki ahulnaj kolkaściu kala šaści tysiač adzinak kanfiskavanyja.