Pamierła samaja viadomaja žurnalistka ZŠA, jakaja pracavała ź dziesiaćciu prezidentami

Chielen Tomas i prezident Lindan Džonsan, 1968 hod

U Vašynhtonie va ŭzroście 92 hadoŭ u svajoj kvatery pamierła žurnalistka Chielen Tomas. Jana doŭhi čas chvareła i vypisałasia ź lakarni niezadoŭha da śmierci.

Chielen Tomas atrymała viadomaść jak karespandentka ahienctva United Press International, u jakim jana prapracavała 57 hadoŭ. Za Tomas na praciahu mnohich hadoŭ było zareziervavana centralnaje miesca prosta pierad prezidentam ZŠA ŭ pakoi dla bryfinhaŭ u Biełym domie. Pa tradycyi, mienavita Tomas zaviaršała bryfinhi skazam «Dziakuj, spadaru prezidencie».

Žurnalistka pracavała ŭ Biełym domie ź dziesiaćciu prezidentami ZŠA (Kieniedzi, Džonsan, Niksan, Ford, Karter, Rejhan, Buš-starejšy, Klintan, Buš-małodšy, Abama) i prasłaviłasia ŭmieńniem zadavać niazručnyja pytańni.

Mienavita padčas znachodžańnia Buša na pasadzie prezidenta ŭ Tomas adniali miesca ŭ pieršym šerahu na bryfinhach, a vystupy kiraŭnika dziaržavy zaviaršalisia nie znakamitaj frazaj žurnalistki, a słovami Buša «Dziakuj za vašy pytańni».

U 2010 hodzie, va ŭzroście 89 hadoŭ, Chielen Tomas vymušana była spynić pracu karespandenta paśla taho, jak u internecie źjaviŭsia videazapis ź jaje niehatyŭnymi vykazvańniami na adras Izraila.

Kamientary da artykuła