Vyvoziŭ u Polšču dla prastytucyi
Na 39-hadovaha žychara Baranavičaŭ raspačali spravu za handal ludźmi.
U dačynieńni da 39-hadovaha niepracujučaha žychara Baranavičaŭ 3 vieraśnia raspačata sprava pa č. 2 art. 181 Kryminalnaha kodeksa (handal ludźmi).
Jak paviedamili BiełaPAN u pres-słužbie UUS Bresckaha abłvykankama, pavodle źviestak śledstva, mužčyna sa žniŭnia 2002 hoda pa luty 2004 hoda, vykarystoŭvajučy ciažkaje materyjalnaje stanovišča niepracujučych žycharak rajcentra 1983 i 1980 hadoŭ naradžeńnia, zavierbavaŭ ich i nieadnarazova vyvoziŭ u Polšču dla zaniaćcia prastytucyjaj. Jon pieradavaŭ dziaŭčyn nieŭstanoŭlenym asobam, atrymlivajučy za heta hrašovaje ŭznaharodžańnie.
Sprava raspačata śledčym adździaleńniem Baranavickaha HAUS pa materyjałach upraŭleńnia pa narkakantroli i supraćdiejańni handlu ludźmi MUS i ich kaleh z Baranavickaha HAUS. Častka 2 artykuła 181 KK praduhledžvaje pakarańnie ad 5 da 10 hadoŭ z kanfiskacyjaj majomaści.