Kanhres ZŠA zabłakavaŭ vajennuju dapamohu siryjskim paŭstancam
Kamitety pa raźviedcy Sienata i Pałaty pradstaŭnikoŭ Kanhresa ZŠA admovilisia ŭzbrojvać siryjskuju apazicyju.
Na zakrytym pasiedžańni jany ŭviali strohija abmiežavańni na finansavańnie takoj dapamohi, zabłakavaŭšy hetym papiaredniaje rašeńnie prezidenta Baraka Abamy. Padstavaj dla admovy ŭ dapamozie siryjskim paŭstancam stała «sakretnaja infarmacyja» i aściarohi, što zbroja moža trapić u ruki terarystyčnych hrup, paviedamlaje amierykanskaje vydańnie The Hill.
Niahledziačy na toje, što padrabiaznaści pryniataha rašeńnia pakul nieviadomyja, zrazumieła, što ŭ najbližejšy čas pastavak zbroi siryjskaj apazicyi z boku ZŠA nie budzie.