Zavočnica: Adnahrupniki nie dajuć mnie pracavać na siesii, bo da ich buduć «zavyšanyja» patrabavańni
Studentka MDŁU raskazała pra asablivaści sučasnaj zavočnaj adukacyi.
«Chaču pačuć mierkavańnie sučasnych studentaŭ, chaču zrazumieć nakolki važna dla vas jakaść viedaŭ, ci jość naohuł takija studenty, jakim chočacca pa zakančeńni VNU być prafiesijanałami svajoj spravy, a nie prosta razmachvać „koračkaj“ ab vyšejšaj adukacyi», — hrodzienski błoh s13.ru apublikavaŭ list
«Ja studentka MDŁU, navučajusia zavočna. Nikoli nie dumała, što sustrenusia z padobnaj prablemaj. U hrupie 9 čałaviek i ŭžo druhuju siesiju zapar maje adnahrupniki nie hatovyja ni pa adnym pradmiecie.Mnohija adkryvajuć padručniki tolki na siesii, sprabujučy za tydzień niešta zasvoić. Naš kanflikt taki: ja pracuju na pary, ja chaču heta rabić, mnie cikava, ale mnie kažuć, što tak nielha, što tak da ŭsich buduć „zavyšanyja“ patrabavańni, mnie kažuć „zaŭtra ty maŭčy, nie adkazvaj“; na pary mianiajemsia testami, kali susied nabraŭ mała bałaŭ, treba jamu ich dadać.
Kamu patrebna hetaja sastarełaja savieckaja sumlennaść? Ja nie pavinna pakazvać vykładčyku svaju hatovuju pracu, vynik 3–4 miesiacaŭ pracy, tamu što bolš nichto nie zrabiŭ!Ja nie chaču i nie budu apuskacca da ich ŭzroŭniu, ja vučusia dla prafiesii, mnie patrebnyja viedy, a nie tolki „korka“.
Dziaŭčynki-vypusknicy kaledžaŭ pryjechali pavysić svoj uzrovień viedaŭ, a ŭsio idzie da taho, što jany vyjduć ź ścienaŭ univiersiteta z tym ža bahažom viedaŭ, ź jakim pryjšli, z toj tolki roźnicaj, što ŭ ich „korka“ z VNU, pry hetym i ja pavinna „skakać pad ich dudku“!
Kudy my kocimsia? Heta voś taki vykładčyk potym u škole pracuje (nie kažučy ŭžo pra inšyja prafiesii)? Bo adrazu ž bačna, što čałaviek ničoha nie viedaje, varta tolki rot adkryć. Što ŭ hałavie ŭ maładych ludziej? Jakimi kaštoŭnaściami vy žyviacie?
Vielmi spadziajusia, što jašče jość tyja, kamu cikava viedać».