Kiraŭnictva mahazina «Talin» abviarhaje infarmacyju ab rejdarskim zachopie
Kiraŭnictva ZAT «Mahazin Talin» zajaŭlaje, što infarmacyja, pradstaŭlenaja žurnalistam byłym dyrektaram handlovaha pradpryjemstva ab jaho rejdarskim zachopie, nie adpaviedaje rečaisnaści. Ab hetym havorycca ŭ liście, što pastupiŭ u BiełaPAN.
«Hetaja infarmacyja nie adpaviadaje rečaisnaści, a taksama hańbić hodnaść i dziełavuju reputacyju ciapierašniaha kiraŭnictva ZAT «Mahazin Talin», — havorycca ŭ liście.
U dakumiencie paviedamlajecca, što administracyja pradpryjemstva maje šerah dakumientaŭ, jakija abviarhajuć źviestki, raspaŭsiudžanyja byłym dyrektaram Viktaram Januškovym.
«
Kiraŭnictva handlovaha pradpryjemstva padkreślivaje, što dziejańni ciapierašniaha ŭładalnika akcyj nie majuć ničoha ahulnaha z prajavami rejdarstva.
«Ciapierašni ŭładalnik kantrolnaha pakieta akcyj ZAT „Mahazin Talin“ nabyŭ ich praz prapanovy starym akcyjanieram kankurentazdolnaj cany za akcyju, jakaja ŭ niekalki razoŭ pieravyšaje raniej prapanavanuju. Ciapierašniaje kiraŭnictva nie paharšała finansavyja pakazčyki pradpryjemstva, nie vyvodziła aktyvy pradpryjemstva z abarotu», — havorycca ŭ liście kiraŭnictva ZAT «Mahazin Talin».
U liście taksama paviedamlajecca, što były dyrektar ZAT «Mahazin Talin» byŭ zvolnieny z pasady pa rašeńni ahulnaha schodu akcyjanieraŭ, i zakonnaść hetaha rašeńnia była paćvierdžana ŭ sudovym paradku.
Aŭtary lista infarmujuć, što na praciahu apošniaha hoda były dyrektar «vykarystoŭvaŭ mahčymaści pracesualnaha zakanadaŭstva dla zaciahvańnia ŭvachodžańnia rašeńniaŭ suda ŭ siłu. Heta dazvoliła jamu taki doŭhi čas faktyčna kiravać pradpryjemstvam biez zakonnych na toje padstaŭ, u tym liku niepravamierna atrymlivać zarabotnuju płatu, vykarystoŭvać słužbovy aŭtamabil u asabistych metach».
Jak paviedamlałasia raniej, 24 červienia padčas kruhłaha stała ŭ Minsku były dyrektar ZAT «Mahazin Talin» Viktar Januškoŭ zajaviŭ ab rejdarskim zachopie pradpryjemstva.Jon taksama adznačyŭ, što «ŭ mai, kali znachodziŭsia na balničnym, uzłamali dźviery i pierabrali ŭsiu dakumientacyju», paśla čaho, pavodle słoŭ Januškova, pradpryjemstvam stali kiravać inšyja ludzi.
Kamientujučy zajavu Januškova, kiraŭnictva pradpryjemstva paćviardžaje, što dźviery kabinieta byłoha dyrektara sapraŭdy byli ŭzłamanyja.
«Dźviery ŭ kabiniet byłoha dyrektara Viktara Januškova sapraŭdy byli ŭzłamanyja, ale ŭ metach vykanańnia pryniatych sudom mier, a nie samavolna, u prysutnaści śviedak i pradstaŭnikoŭ milicyi dla metaŭ atrymańnia paŭnapraŭnym dyrektaram tavarystva aficyjnych dakumientaŭ, piačatak ZAT „Mahazin Talin“ dla vykanańnia im svaich słužbovych abaviazkaŭ. Hetuju mieru pryjšłosia skarystać
U liście taksama ŭkazvajecca, što za hod «niepravamiernaha kiraŭnictva» Januškova pradpryjemstva faktyčna «było daviedziena da pieradbankrutnaha stanovišča».