100 bałaŭ na CT pa biełaruskaj movie atrymali šeść abituryjentaŭ
+ Jak daviedacca vyniki CT
Respublikanski instytut kantrolu viedaŭ zaviaršyŭ pravierku rabot abituryjentaŭ pa biełaruskaj i ruskaj movach.
Pra heta BIEŁTA paviedamiŭ dyrektar RIKV Mikałaj Fiaśkoŭ. «Niezaležna ad kolkaści ŭdzielnikaŭ testavańnia vyniki vykanańnia testaŭ pa dadzienych vučebnych pradmietach vysoka karelujuć pamiž saboj», — adznačyŭ jon.
Kolkaść abituryjentaŭ, jakija atrymali 100 bałaŭ na CT pa ruskaj movie, skłała 39 čałaviek, pa biełaruskaj — 6. Nul bałaŭ atrymali 16 udzielnikaŭ testavańnia pa ruskaj movie i 4 — pa biełaruskaj. Minimalny bał na CT pa biełaruskaj nie nabrali bolš za 5% abituryjentaŭ i bolš za 8% — pa ruskaj movie.
Heta aznačaje, što abituryjenty, jakija atrymali mienš za 10 bałaŭ na CT pa dziaržaŭnych movach, nie zmohuć padać dakumienty dla pastupleńnia va ŭstanovy vyšejšaj adukacyi. «Ale heta nie aznačaje, što daroha da viedaŭ dla ich zakryta — hetyja abituryjenty zmohuć pryniać udzieł va ŭstupnaj kampanii ŭ siarednija śpiecyjalnyja i
Jak paviedamlałasia, z metaj vyklučeńnia mahčymaści ŭdziełu ŭ konkursie dla atrymańnia vyšejšaj adukacyi abituryjentaŭ, jakija majuć nizki ŭzrovień padrychtoŭki, pastanovaj Ministerstva adukacyi ad 20 lutaha 2013 h. № 8 ustanoŭlena nižniaje značeńnie testavaha bała, pačynajučy ź jakoha adznaka pryznajecca zdavalniajučaj.
Dla taho kab mieć mahčymaść padać dakumienty ŭ VNU, abituryjenty pavinny buduć nabrać minimum 10 bałaŭ pa vučebnych pradmietach «Biełaruskaja mova» abo «Ruskaja mova»; 15 bałaŭ — pa pradmietach «Matematyka», «Fizika», «Chimija», «Bijałohija» ; 20 bałaŭ — pa vučebnych pradmietach «Historyja Biełarusi», «Suśvietnaja historyja najnoŭšaha času», «Hramadaznaŭstva», «Hieahrafija», «Zamiežnyja movy (anhlijskaja, niamieckaja, francuzskaja, ispanskaja)». Dla asob, jakija pastupajuć va ŭstanovy siaredniaj śpiecyjalnaj adukacyi, nižniaje značeńnie testavaha bała pa ŭsich vučebnych pradmietach, pačynajučy ź jakoha adznaka ličycca zdavalniajučaj, ustaloŭvajecca 1 bał.
CT pa biełaruskaj movie adbyłosia 14 červienia (było zarehistravana bolš za 33 tys. abituryjentaŭ), a 15 červienia — pa ruskaj movie (zvyš 83 tys. čałaviek). Testy ŭtrymlivali zbałansavanyja pa ciažkaści zadańni, jakija vałodali vysokaj dyfierencyjalnaj zdolnaściu i dazvolili ŭsiebakova pravieryć i acanić padrychtoŭku ŭdzielnikaŭ testavańnia z roznym uzroŭniem padrychtavanaści.
Jak daviedacca vyniki CT
Dla hetaha možna zajści ŭ śpiecyjalny raździeł sajta RIVK i zapoŭnić formu, paznačyŭšy piersanalnyja dadzienyja: sieryju i numar pašparta, numar błanka CT, pradmiet.