Milicyja ŭzhadniła miesca pražyvańnia Źmitra Daškieviča paśla vyzvaleńnia
«Zvanili ź Pieršamajskaha RUUS i pytalisia ŭ taty, a paśla i ŭ mianie, ci nie suprać my, kab Źmicier Daškievič žyŭ u nas, — napisała ŭ siabie ŭ Fejsbuku Nasta Daškievič (Pałažanka). — Fantastyka:). I tak, kaniečnie ž, paprasili jaho pa viartańni zavitać u RUUS. Fantastyka № 2».
Heta rucinnaja pracedura: uzhadniajecca zhoda svajakoŭ na pražyvańnie viaźnia paśla vychadu z turmy. Ale ŭ vypadku Daškieviča heta daje śvietłuju nadzieju, što jaho taki vyzvalać. Mnohija bajalisia, što termin jahonaha znachodžańnia ŭ turmie iznoŭ budzie padoŭžany.
Tak adbyvałasia ŭ Savieckim Sajuzie ź viaźniami, što «nie stali na šlach vypraŭleńnia». U 2012 hodzie anałahičnym čynam padoŭžyli termin źniavoleńnia Daškieviča.