U Biełarusi stvorany štab pa baraćbie z čumoj śviniej, jaho ŭznačaliŭ Rusy
Dla pryniaćcia apieratyŭnych rašeńniaŭ i kaardynacyi situacyi pa baraćbie z čumoj śviniej stvorany respublikanski štab na čale z namieśnikam prem'jer-ministra Biełarusi Michaiłam Rusym. Takoje rašeńnie pryniata na pasiadžeńni prezidyuma Saŭmina 25 červienia.
Jak paviedamlaje
«Učora prezidyum Savieta ministraŭ pryniaŭ pastanovu pra dadatkovyja miery ŭ suviazi z zachvorvańniem śviniej u asabistych padvorkach hramadzian u šerahu rajonaŭ krainy. Abłvykankamam, pravaachoŭnym orhanam, vieterynarnaj słužbie i ŭsim zacikaŭlenym dziaržorhanam nieabchodna ŭ poŭnym abjomie vykanać tyja miery, jakija vyznačany, i, mahčyma, pašyryć niekatoryja raboty z ulikam rehijanalnaj śpiecyfiki», — adznačyŭ Miaśnikovič.
Nahadajem, 21 červienia departamient vieterynarnaha i charčovaha nahladu Minsielhascharču prainfarmavaŭ, što Biełdziaržvietcentr vyjaviŭ hienietyčny materyjał uzbudžalnika afrykanskaj čumy śvińniaŭ (AČS) u patałahičnym materyjale, atrymanym ad trupa śvińni, jakaja naležyć žycharu vioski Čapuń Iŭjeŭskaha rajona Hrodzienskaj vobłaści.
Afrykanskaja čuma śviniej — vostraje kantahijoznaje zachvorvańnie, jakoje charaktaryzujecca chutkim ciačeńniem i vialikaj śmiarotnaściu žyvioł (98–100%). Srodkaŭ lačeńnia i śpiecyfičnaj prafiłaktyki hetaj chvaroby niama. Dla čałavieka afrykanskaja čuma śviniej niebiaśpieki nie ŭjaŭlaje. Ekanamičny ŭron, jaki nanosicca afrykanskaj čumoj śviniej, składajecca z pramych strat pa radykalnaj likvidacyi chvaroby i abmiežavańniaŭ, što prymianiajucca ŭ mižnarodnym handli.