U Polščy asudzili biełarusa, pa vinie jakoha ŭ avaryi zahinuli try čałavieki
Avaryja zdaryłasia ŭ listapadzie 2012 na aŭtadarozie numar 8, pamiž Zambravam i Biełastokam.
Da piaci hadoŭ turmy i dziasiaci hadoŭ zabarony kiravańnia aŭtamabilem asudžany hramadzianin Biełarusi, z-za jakoha ŭ 2012 hodzie kala Łomžy zahinuli try čałavieki, paviedamlaje biełaruskaja słužba «Polskaha radyjo».
Kiroŭca fury pryznaŭ svaju vinu i prasiŭ asudzić jaho na 4 hady turmy.
Trahičnaje zdareńnie adbyłosia ŭ listapadzie 2012 hoda na aŭtadarozie № 8, pamiž Zambravam i Biełastokam. Hramadzianin Biełarusi na fury vyjechaŭ nie levuju pałasu ruchu, dzie hruzavik sutyknuŭsia ź mikraaŭtobusam. Zahinuli try čałavieki. Piać čałaviek, u tym liku i sam biełarus, byli paranienyja.
Pavodle suda, 37-hadovy kiroŭca niaŭvažliva sačyŭ za darohaj i nie raźličyŭ chutkaść. Paśla DTZ jaho źmiaścili pad vartu.
Prysud pakul nie ŭstupiŭ u siłu.