U subotu chakiery raźmiaścili ŭ apytancy «Ci prahałasavali b Vy za Viktara Łukašenku» virus, jon vydaleny

Sajt možna biaśpiečna naviedvać, ale infarmacyja pra virus zastałasia ŭ pamiaci niekatorych antyvirusnych prahram i Huhła.

U suviazi z hetym pry sprobie ŭvajści na sajt z dapamohaj niekatorych braŭzieraŭ u vas usio jašče moža źjaŭlacca papiaredžańnie pra najaŭnaść škodnaha kantentu.

Virus byŭ vydaleny z sajta praź ličanyja chviliny, tym nie mienš, jaho paśpieli zafiksavać antyviruśniki, i ŭnieśli sajt u śpis padazronych.

Heta nie pieršaja sproba raźmiaścić na NN trajan. Anałahičnyja vypadki zdaralisia ŭ 2011 i 2012 hadach.

Iframe na NN zahružaŭ ź inšaha sajta Java-prykładku, jakaja, u svaju čarhu, zahružaje i zapuskaje virus. Hetym razam źmieščany trajan adsyłaŭ na sajta adnaho z aficyjnych biełaruskich prafsajuzaŭ. Anałahičnaja schiema apisana tut.

Cikava, što hetym razam na NN virus učapili za zahałovak apytanki «Ci prahałasavali b Vy za Viktara Łukašenku». Darečy, choć heta nie maje dačynieńnia da temy, u joj «tak» adkazali 4%, «nie» — 69% i 27% adkazali «A chto ŭ mianie budzie pytacca».

Ciažka skazać, chto staić za takimi infiekcyjami. Heta mohuć być złamyśniki roznaha rodu. U pryvatnaści, jość takija chakiery, jakija prosta zarablajuć na klikach: virus aŭtamatyčna pieranakiroŭvaje naviednika na sajt z rekłamaj, za jaki idzie apłata pa klikach.

Kamientary da artykuła