Va Ukrainie trasianku prapanujuć zrabić dziaržaŭnaj movaj
Vyrašyć moŭnuju prablemu va Ukrainie možna šlacham uviadzieńnia sumiesi ŭkrainskaj i ruskaj moŭ u jakaści dziaržaŭnaj, zajaviŭ deputat ad Partyi rehijonaŭ Aleh Caroŭ.
«Było b pravilna dla taho, kab adyści ad moŭnaj prablemy va Ukrainie, vybrać movu, na jakoj havoryć bolšaść nasielnictva i zrabić jaje dziaržaŭnaj. Va Ukrainie - heta suržyk. I dva dyjalekty (ruski i ŭkrainski) ad suržyka zaćvierdzić taksama na dziaržaŭnym uzroŭni», — prapanavaŭ deputat.
Caroŭ adznačyŭ, što nie ličyć, byccam nadańnie ruskaj movie dziaržaŭnaha statusu moža raskałoć ukrainskaje hramadstva. Jon zapeŭniŭ, što za heta rašeńnie hatovyja prahałasavać navat niekatoryja pradstaŭniki apazicyi.