Turcyja: demanstranty vystavili patrabavańni ŭładam
Udzielniki antyŭradavych pratestaŭ u Turcyi vystavili śpis svaich patrabavańniaŭ vice-premjeru Biulent Arynču.
Na sustreču z namieśnikam premjera była zaprošanaja hrupa ekołahaŭ i aktyvistaŭ, jakija vystupajuć suprać pierapłaniroŭki parku Hiezi ŭ centry Stambuła.
U čas sustrečy ź vice-premjeram ŭdzielniki akcyj pratestu zajavili, što patrabujuć harantyj taho, što park budzie zachavany.Jany taksama patrabavali adpuścić zatrymanych udzielnikaŭ pratestaŭ i pakarać palicyju, jakaja prymianiaje hvałtoŭnyja miery ŭ dačynieńni da demanstrantaŭ.
Raniej Biulent Arynč vybačyŭsia pierad prysutnymi za dziejańni palicyi, pryznaŭšy ich racyju — ale tolki tych, chto ŭ samym pačatku vyjšaŭ na abaronu parku Hiezi ŭ Stambule.