Čałaviečkaŭ z kanstruktara Lego vinavaciać u zališniaj surovaści
Novaziełandski ekśpiert Krystaf Bartniek raskrytykavaŭ vytvorcaŭ dziciačaha kanstruktara Lego za toje, što jany ŭsio čaściej stali vypuskać u nabory dla hulni čałaviečkaŭ z surovymi abo spałochanymi tvarami.
Kamanda Bartnieka praanalizavała vyrazy tvaraŭ kala šaści tysiač roznych Lego-piersanažaŭ i pryjšła da vysnovy, što firma nadaje zanadta šmat uvahi temam kanfliktaŭ. Na dumku śpiecyjalista, jaki pracuje ŭ łabaratoryi čałaviečych uzajemaadnosin pry Kienterbieryjskim univiersitecie,
čałaviečki sa złosnymi tvarami mohuć akazać niehatyŭny ŭpłyŭ na dziaciej i na toj styl hulni, jaki jany abiaruć.
Dakład ab vyrazie tvaraŭ płastmasavych čałaviečkaŭ z naboraŭ kanstruktara Bartniek maje namier zrabić na admysłovaj kanfierencyi, jakaja adbudziecca ŭ japonskim Sapara. Čakajecca, što mierapryjemstva projdzie ŭ žniŭni 2013 hoda.
Jak pradstaŭniki firmy-vytvorcy kanstruktara adreahavali na zajavy novaziełandskaha ekśpierta, nieviadoma.
Čałaviečki Lego z roznych tematyčnych naboraŭ raniej mieli standartny vyraz tvaru: u asnoŭnym na im možna było ŭbačyć prostuju ŭśmiešku pa typu pierakulenaj dužki. Ale ŭ sučasnych naborach sapraŭdy niaredka sustrakajucca i piersanažy ź vielmi ahresiŭnymi tvarami.