Sankcyi ES źniatyja z Hanny Šadrynaj, «Akvadziva» i «Sport-Pary»
«Źniaty ŭsie abmiežavalnyja miery» ŭ adnosinach da byłoj namieśnicy redaktara haziety «SB. Biełaruś siehodnia» Hanny Šadrynoj, paviedamlaje Jeŭraradyjo29 maja Rada Jeŭrasajuza skaraciła na adnaho čałavieka śpis nieŭziaznych biełaruskich čynoŭnikaŭ.
Na momant składańnia «čornaha śpisu Jeŭrasajuza» Hanna Šadryna ŭžo nie pracavała ŭ prezidenckaj haziecie, adkul syšła pavodle ŭłasnaha žadańnia. U vydańni jana ŭznačalvała adździeł kultury i listoŭ.Viadoma, što ŭ 2011 hodzie jana mieła pierapisku sa strukturami Jeŭrasajuza, bo była nie zhodnaja z farmuloŭkami, praź jakija jana apynułasia ŭ śpisach. Tady listavańnie było zavieršanaje ničym.
U tym ža aficyjnym vydańni Jeŭrasajuza paviedamlajecca, što źniaty abmiežavańni ź dźviuch biełaruskich kampanij — śpirtaharełkavaha zavoda «Akvadziŭ» (pradpryjemstva padpała pad sankcyi 23 sakavika 2012 hoda) i«Sport-pary» (u červieni 2011 hoda). Abiedźvie kampanii byli ŭniesieny ŭ śpis jak pradpryjemstvy, padkantrolnyja biźniesmienu Uładzimiru Piefcijevu.
Varta adznačyć, što na minułym tydni Dziarždepartament ZŠA pryniaŭ rašeńnie spynić dziejańnie sankcyj u dačynieńni da biełaruskich pradpryjemstvaŭ «Biełtechekspart» i «BiełOMA».
Palityčnaje rašeńnie ab vizavych i ekanamičnych sankcyjach u dačynieńni da Biełarusi było pryniata Radaj ES 31 studzienia 2011 hoda ŭ Brusieli, kali ministry zamiežnych spraŭ krain Jeŭrasajuza zaćvierdzili śpis biełaruskich čynoŭnikaŭ, adkaznych za parušeńni pravoŭ čałavieka padčas prezidenckaj kampanii 2010 hoda.
Hetym asobam zabaroniena naviedvać terytoryju ES, a ich rachunki i majomaść u krainach Jeŭrasajuza pavinny być zamarožany. Pieršapačatkova ŭ śpisie było 158 imionaŭ. Paśla Rada ES nieadnarazova pašyrała hety pieralik, i ciapier ujezd u Jeŭrasajuz zabaronieny bolš čym 200 biełaruskim čynoŭnikam, dadaje BiełaPAN.