Pieratrusy ŭ kvaterach maładafrontaŭcaŭ
Siońnia adbylisia pieratrusy ŭ kvaterach lideraŭ niezarehistravanaj arhanizacyi «Małady front». Kanfiskavanyja dakumenty i materyjały, aktyvistaŭ moładzievaj arhanizacyi zatrymali.
U kvateru kaardynatara «Maładoha frontu» pa mižnarodnych spravach Sieržuka Lisičonka 27 sakavika pryjši supracoŭniki KDB staršy operupaŭnavažany kapitan Dźmitry Śvistun, padpałkoŭnik Dźmitry Klukievič, pryviali z saboju paniatych. Raspaviadaje žonka Sieržuka Volha Lisičonak.
(Lisičonak: ) «Jany pryjšli, zabaranili razmaŭlać, telefanavać. U mianie maleńkaje dzicia, 10 miesiacaŭ, jany nie davali jaho pakłaści spać, pravieryli ŭsie papiery, usie dakumenty, zrabili ŭsiu arhtechniku, zrabili pierapis. I zabrali Sieržuka».
(Karespandentka: ) «A što-niebudź patłumačyli, na kolki, kudy?»
(Lisičonak: ) «Ničoha nie patłumačyli. Ja zapytałasia, na kolki jaho zabirajuć. Jany adkazali, što spačatku nienadoŭha, a potym, maŭlaŭ, pahladzim. My sabrali rečy, ježu, bo Sieržuku nie dali doma pajeści. Jany ničoha nie kazali, žartavali, chichikali, im naahuł śmiešna było».
Sieržuku Lisičonku inkryminujecca artykuł 193, častka 1 Kryminalnaha kodeksu – siabroŭstva ŭ niezarehistravanaj arhanizacyi. Supracoŭniki KDB robiać pieratrusy i ŭ inšych maładafrontaŭcaŭ: Źmitra Daškieviča, Aleha Korbana, Barysa Hareckaha.