U bližejšyja try dni — daždžy i navalnicy
Ilustracyjnaje fota.
U sieradu, 22 maja, miescami pa krainie projduć karotkačasovyja daždžy z navalnicami. Nočču i ranicaj u asobnych rajonach — tuman. Viecier paŭdniovy ŭmierany, pry navalnicach paryvisty. Tempieratura pavietra: minimalnaja nočču +8 .. +14 ° S, maksimalnaja dniom +19 .. +24 ° S.
U čaćvier, 23 maja, na bolšaj častcy terytoryi prahnazujucca karotkačasovyja daždžy. Miescami čakajucca navalnicy i mocnyja daždžy. Viecier paŭdniovy ź pierachodam na zachodni ŭmierany, pry navalnicach paryvisty. Tempieratura pavietra: minimalnaja nočču +8 .. +14 ° S, maksimalnaja dniom +16 .. +22 ° S, pa paŭdniovym uschodzie da +25 ° S.
U piatnicu, 24 maja, nadvorjem pačnie kiravać cykłon, jaki źmiaščajecca z Rumynii na paŭdniova-ŭschodnija rajony našaj krainy. Časam projduć daždžy, miescami — mocnyja. U asobnych rajonach prahrymiać navalnicy. Viecier umierany, dniom pry navalnicach mocny paryvisty. Tempieratura pavietra: minimalnaja nočču +8 .. +14 ° S, pa paŭdniovym uschodzie da +17 ° S; maksimalnaja dniom ad +16 ° S pa paŭdniovym zachadzie i da +27 ° S pa paŭnočnym uschodzie krainy.