Haŭbiec: nastaŭnika z Hłyboččyny aštrafavali na 200 tys. za hierb VKŁ «Pahonia»
Administracyjnaja kamisija Hłybockaha rajvykankamu vyrašyła aštrafavać byłoha nastaŭnika Marjana Misieviča za «parušeńnie architekturnaha rašeńnia» šmatpaviarchovika, dzie jon žyvie. Za toje, što jon razmalavaŭ svoj bałkon pad nacyjanalny ściah dy prymacavaŭ «Pahoniu». Jaho pryznali parušalnikam administracyjnaha zakanadaŭstva dy pakarali štrafam pamieram 2 bazavyja vieličyni.
Na pasiadžeńni prysutničaŭ hałoŭny architektar rajonu Alaksandar Łatyšonak, jaki skłaŭ na spadara Misieviča pratakoł pavodle artykuła 21.13 Kodeksu ab administracyjnych pravaparušeńniach za «parušeńnie architekturnaha rašeńnia fasadaŭ budynkaŭ i zbudavańniaŭ».
Žurnalistaŭ na pasiadžeńnie kamisii nie puścili, zajaviŭšy, što treba «nataryjalna zavieranaja davieranaść». Marjana Misieviča aburyła j toje, što čalcy kamisii admovilisia raźbirać jaho spravu pa-biełarusku — nie pahadzilisia, što čynoŭniki musiać razmaŭlać z hramadzianinam na toj movie, na jakoj jon źviartajecca da ich.