Pamierła mastačka Ninel Ščasnaja
Jana pamierła na 80-m hodzie žyćcia paśla praciahłaj chvaroby.
U 1961 hodzie jana skončyła Instytut žyvapisu, skulptury i architektury imia Repina ŭ Leninhradzie. Siarod jaje tvoraŭ — karciny «Viasiołka», «Vasilki», «Samotnaja», «Nalibockaja pušča», partrety Maksima Tanka, Uładzimiera Duboŭki, Janki Kupały, Maksima Bahdanoviča i Arkadzia Kulašova.
Raźvitańnie z zasłužanym dziejačam mastactvaŭ Biełarusi adbudziecca apoŭdni 17 traŭnia ŭ mienskimŚviata-Duchavym katedralnym sabory.
Ninel Ščasnaja naradziłasia ŭ Połacku i heta zaprahramavała jaje žyćciovyja i mastackija kaardynaty, adznačaje piśmieńnik Uładzimier Arłoŭ.
«Ninel Ščasnaja dla mianie zastaniecca nie stolki mastačkaj, niachaj daruje mnie jaje duša, jak pałačankaj.Daviedaŭšysia pra hetu sumnuju navinu, ja zhadaŭ jaje tatu, ź jakim nie losiła paznajomicca, ale pra jakoha ja šmat čuŭ. Ivan Symonavič byŭ va „Ŭzvyššy“, vykładaŭ u połackim pedtechnikumie, byŭ biełaruskim patryjotam. U
Jany sieli na pieršy ciahnik, jaki pryjšoŭ, i ŭsia siamja vyjechała ź Biełarusi. Ale jany vyjšli na pieršaj ža smalenskaj stancyi, bo jon chacieŭ zastavacca ŭ etničnych miežach Biełarusi.I voś tam hadavałasia Ninel. I tolki paśla vajny jany viarnulisia ŭ Połacak. U Ninel jość takaja praca „Majo naradžeńnie“, jakaja mianie vielmi kranaje. Tam dom pobač z Safijskim saboram, vieśnicy i jaje maci trymaje na rukach niemaŭlatka. Hety biełaruski hien, biełaruski kod, jaki išoŭ ad baćki, najbolš prajaviŭsia nie ŭ samoj Ninel Ščasnaj, chacia i ŭ joj taksama, bo jana malavała partrety Bahdanoviča j inšych našych klasykaŭ u svaim takim styli biełaruskaha plantylizmu. Ale hety kod prajaviŭsia, i dziakujučy joj taksama, u jaje małodšaj siastry Tacianie, jakaja była ŭ „Majstroŭni“. U jaje dačce Ładzie, jakaja taksama była majstroŭkaj, była mastačkaj, jakaja tak trahična, vielmi rana pakinuła hety śviet u 40 hadoŭ. Hety rod Ščasnych, heta, biezumoŭna, toj rod, jaki zastaniecca ŭ historyi našaha biełaruskaha mastactva i nie tolki mastactva. U maim sercy heta navina adhuknułasia vielmi baluča».