Chakieisty «Taronta» z Hraboŭskim paciarpieli druhuju parazu ŭ Kubku Stenli
Chakieisty «Taronta» prajhrali doma «Bostanu» ŭ trecim matčy pieršaha raŭnda Kubka Stenli i dazvolili supierniku vyjści napierad u sieryi (1:2).
«Taronta» prajhrała siońnia nočču «Bostanu» ź likam 2:5.
Heta byŭ pieršy matč u Kubku Stenli, praviedzieny ŭ Taronta, za 9 hadoŭ.
Michaił Hraboŭski hulaŭ u druhim źvianie razam z rasijaninam Mikałajem Kuleminym i amierykancam Džejmsam van Rymsdajkam, pravioŭ na lodzie 16 chvilin 36 siekundaŭ (20 źmien), vykanaŭ 3 kidki ŭ stvor varot, a jašče 1 streł zabłakavali supierniki. Biełarus taksama užyŭ 1 siłavy pryjom, zabłakavaŭ 2 niepryjacielskija kidki, vyjhraŭ 11 z 20 ukidvańniaŭ i zaviaršyŭ pajadynak z pakazčykam karysnaści «-2».
Nastupnyja matčy sieryi, jakaja praciahniecca da 4 pieramoh, zapłanavanyja na 8 maja (u Taronta), na 10 maja (u Bostanie) i, kali spatrebicca, na 12 maja (u Taronta) i 13 maja (u Bostanie).