U Vaŭkavyskim rajonie vyličyli i zvolnili žančynu, jakaja paskardziłasia Siamionu Šapiru padčas «žyvoj linii»
26 krasavika hetaha hoda rabotniki Vaŭkavyskaha lashasa vyjavili kala vioski Załučany Vaŭkavyskaha rajona niepachavanyja trupy karoŭ. Niesankcyjanavanaje pachavańnie, a paprostu - zvałka trupaŭ była zroblenaja paśpiešliva, u vušach zastalisia čypy, jakimi pracaŭniki sielhaspradpryjemstvaŭ paznačajuć svoj statak. Najaŭnaść paznak i blizkaść raźmiaščeńnia dazvalajuć zrabić zdahadku, što trupy žyvioł byli vyviezieny ź fiermy Lvoŭka.
27 Sakavika volkovysk.by pisaŭ pra toje, što na «žyvuju liniju» Hrodzienskaha hubiernatara Siamiona Šapira pastupiŭ sihnał ad žycharki Vaŭkavyskaha rajona, jakaja raspaviała pra toje, što na ich pradpryjemstvie pačaŭsia vialiki mor žyvioły, jaki śpisvajecca na rabotnikaŭ. Havaryłasia, što adbyvajecca heta ŭsio na žyviołahadoŭčaj fiermie Lvoŭka.
Z vobłaści ŭ Vaŭkavyski rajon była nakiravanaja kamisija, jakaja nie zmahła paćvierdzić fakty, nazvanyja ŭ zvarocie.
Jak stała siońnia viadoma, žančyna, što paviedamiła ab mory žyvioły, pazbaviłasia svajho pracoŭnaha miesca. Jak paviedamiła krynica ŭ rajonnym kiraŭnictvie, jaje paznali pa hołasie. Infarmacyju, jakuju jana paviedamiła, pryznali niepraŭdzivaj.