Žurnalistaŭ Barbaryča i Jaraševiča vinavaciać u niepadparadkavańni milicyi, pieradačy dla ich nie prymajuć

Abnoŭlena, dadałasia infarmacyja pra sud.

Supracoŭniki Centra izalacyi pravaparušalnikaŭ na Akreścina zajaŭlajuć, što žurnalisty zmohuć atrymać pieradačy tolki paśla suda ŭ paniadziełak.

Samich Hienadzia Barbaryča i Alaksandra Jaraševiča milicyjanty vinavaciać pavodle artykuła 23.4 KoAP u niepadparadkavańni supracoŭnikam milicyi. Pra heta ŭ CIP paviedamili pres-sakrataru HA «BAŽ» Barysu Hareckamu, jaki ranicaj u subotu razam z hramadzianskaj žonkaj adnaho z zatrymanych naviedaŭ Akreścina.

Nahadajem, što žurnalisty Hienadź Barbaryč i Alaksandr Jaraševič byli zatrymanyja paśla skančeńnia dazvolenaj minskimi ŭładami akcyi «Čarnobylski šlach», adkul viali repartaž i mieli pry sabie paśviedčańni.

Sudy nad zatrymanymi žurnalistami adbuducca ŭ paniadziełak, 29 krasavika, pa adrasie: Łahojski trakt, 3, 10:00.

Kamientary da artykuła